Груевски: Препораките ќе ги имплементираме со многу брза динамика

На денешниот самит на најголемата политичка групација во ЕУ, Европските надорни партии (ЕПП), премиерот и претседател на ВМРО-ДПМНЕ ја искористи можноста да го задржи фокусот на вниманието кон нашата држава. Тој ги информираше челниците на ЕПП за воспоставените реформи, како и за зголемнувањето на стандардите во сите области.

„Ова беше добра можност да се сретнам со повеќемина од присутните и неформално да поразговарам со нив, пред се за Македонија, а поврзано со актуелната политичка криза и нашите заложби за надминување на оваа криза. Како што знаете, Владата експресно ги прифати препораките на Европската комисија, поврзани со воведување на натамошни реформи и зголемување на стандардите во повеќе области, претежно области покривани од поглавјата 23 и 24. Нашиот план е тоа да се одвива со многу брза динамика, па така и ќе се одвива. Од друга страна, прикажувајќи ги двете позиции, и нашата и онаа на опозицијата, и конечно нашите планови да направиме се што е потребно да се излезе од оваа ситуација колку што е можно порано“, изјави Груевски за МРТ по завршувањето на Самитот на ЕПП.

На денешниот самит н ЕПП, најголем дел од времето беше посветен на темите на економската криза, релациите меѓу Брисел и Атина, како и алармантната состојба со мигрантите од кризните подрачја.

Како што информираше премиерот, на средбата јасно било кажано дека најпогодени се државите од Јужна Европа, и дека било констатирано дека проблемот не може да се решава во националните граници, туку за тоа е потребна и заедничка европска политика.

На состанокот, претседателот на Европската комисија, Жан Клод Јункер, поднел план кој се однесувал на точно прецизирани квоти, а дали истиот ќе се прифати ќе се знае на самитот на Европскиот совет кој започнува вечерва во Брисел.

Марина Стојанова- Тонева, постојан дописник од Брисел за МРТ