Делегација на Норвешките оружени сили во посета на АРМ

Во дводневна официјална посета на Македонската армија ќе претстојува делегација на норвешките оружените сили предводена од Адмирал Хакон Брун-Хансен.

Главни теми на средбата со неговиот домаќин, началникот на генералштабот на АРМ, генерал-потполковник Горанчо Котески, ќе бидат унапредувањето на билатералната воена соработка, трансформацијата на АРМ и учеството во меѓународни мисии за поддршка на мирот.

Од  2008 до 2012 година, во рамките на норвешката- полска болница во Мејмана, Авганистан беше распореден хируршки тим на македонската армија. Норвешка досега донираше една комплетна лесна маневарска полска болница во вредност од околу 2 ипол милиони евра, софистицирана опрема за заштита на телекомуникациските врски, медицински материјал и компјутерска опрема во вредност од 57 илјади евра, и финансиски го поддржа проектот „Лепеза“.