Коалицијата на НВО од Струмица бара оставка од Заев

Оставка од Зоран Заев и предвремени избори за градоначалник оваа есен побара Коалицијата на невладини оганизации од Струмица. Според нив, Струмица е единствена општина во каде, како што валет, градоначалник зема плата, а не доаѓа.

„Зоран Заев самиот призна дека не е во Струмица и дека може да го најдат во Скопје. Тој не е градоначалник на Струмица туку тера свои агенди и интереси. Струмица е единствена општина при избран градоначалник. Општината зад нас е празна зграда без градоначалник, тој зема плата за неработење“, вели Зуле Јовевска, од Коалицијата на НВО, Струмица.

Според, Јовевска, Заев немал кредибилитет, туку, како што истакна, бил вмешан во афери и крими зделки.

„Дополнително Зоран Заев е човек без кредибилитет човек кој е фатен жив како бара поткуп од 200 илјади евра и човек кој се што кажа излажа. Струмица трпи, струмичани се без градоначалник“, вели Јовевска.

Од Општина Струмица велат дека нема да го коментираат пресот на Коалицијата на Невладини организации. 

Катерина Давчева