Заврши проектот „Ѕвезди на светската книжевност“
Со преводот на последните 38 дела, заокружена капиталната едиција „Ѕвезди на светската книжевност“. Вкупно 560 книги поблиску до македонските читатели...
Промовиран и последните 38 наслови од едицијата „Ѕвезди на светската книжевност“. Заврши проектот кој е најкомплексен зафат во историјата на македонската литература и издаваштво – оценува министерката Канческа. За четири години се промовирале 560 дела од светската литература.
За академик Митко Маџунков, оваа едиција во иднина ќе биде поттик и патоказ за понатамошното усовршување на македонската преведувачка книжевност. Во реализацијата на овој проект учествувале околу 500 преведувачи, лектори, издавачи и академската фела.
Проектот за превод на едицијата „Ѕвезди на светската книжевност“ почна во 2012- тата година. Овие дела се достапни во националните библиотеки ширум земјава.
Викторија Милевска