„Транспаренси интернешенел“: Барањата на СЈО се легитимни

Невладината „Транспаренси интернешенел“ изразува негодување за неизгласувањето на измените на Законот за заштитени сведоци предложени од Специјалното јавно обвинителство, а за кое се расправаше и гласаше на седницата одржана пред два дена.

„Транспаренси интернешнел Македонија“ смета дека предложените измени се од голема важност за борбата против корупцијата која во моментов се случува во земјава, а соодветната заштита на сведоци е од суштинско значење во водењето истраги во случаи на корупција, се вели во соопштението на „Транспаренси интернешенел“.