Тутун: Квалитетната реколта најавува добра откупна цена
Македонските тутунари денеска го одбележуваат Светскиот ден на тутунот. Годинава имаат помала, но квалитетна реколта и очекуваат добра цена при откупот. Од Институтот за тутун уверуваат дека оваа македонска стратегиска култура се бара на пазарот и има иднина.
Тежок е за работа, целото семејство е ангажирано и зависи од временските прилики. Но на македонските тутунари годинава им се погоди. Имаат помала, но квалитетна реколта.
Тутунопроизводството е егзистенција за речиси 30.000 македонски семејства. Велат, исплатливоста зависи од количествата и цената на пазарот.
Подготвени се да го модернизираат производството. На прагот на откупот, тутунарите не очекуваат проблеми, туку добра цена. Тој е стратегиска култура и учествува со речиси 20 насто во приходот на државава.
Од Институтот за тутун уверуваат дека иднината на македонското тутунопроизводаство е стабилна.
Годинашнава реколта тутун е тешка околу 20.000 тони.
Елизабета Митреска