ДИК: Досега пријавени 4.872 лица кои се на привремена работа во странство

Државната изборна комисија (ДИК) синоќа информираше дека досега 4.872 лица кои се на привремена работа во странство се пријавиле преку електронската апликација за гласање во Дипломатско-конзуларните претставништва.

Јавен увид во избирачкиот список досега извршиле 766 избирачи, а сите други тоа може да го сторат до 11-ти ноември.

Како што известија од ДИК, од 29.858 лица, кои беа утврдени како спорни записи- се пријавиле 83 лица, од кои на 73 им е потврдено избирачкото право.

Една пријава е во фаза на разгледување, а девет се во фаза на обработка.