Земјотрес во Албанија, почувствуван во северозападна Македонија

Сеизмолошката опсерваторија при Природно- математичкиот факултет во Скопје  изутринава регистрирала  земјотрес со епицентар во соседна Албанија.

Потресот се случил во 6 часот и 8 минути со магнитуда од 4 степени според Рихтеровата скала. Земјотресот бил почувствуван и во северозападните делови од земјава со интензитет од 3 степени според Европската макросеизмичка скала.

Серија потреси биле забележани и во Грција, но со двојно послаб интензитет.