На 566 лица им се издадени решенија за изолација во текот на изминатото деноноќие

На 566 лица им се издадени решенија за изолација во текот на изминатото деноноќие, а 178 потпишале изјави за самоизолација, информираат од МВР.

Во државен карантин на сопствен трошок се спроведени 13 лица, меѓу кои и еден полициски службеник, а против нив ќе бидат поднесени и кривични пријави.

По однос на мерката за неносење лична заштита на лице, регистрирани се 707  прекршоци, стои во соопштението од Mинистерството за внатрешни работи.