ДИК ги корегираше бројките на избирачи кои гласале и неважечките ливчиња на изборите

Државната изборна комисија донесе заклучок за исправки на техничките грешки направени при објавувањето на бројките во четвртокот доцна попладне, по предвремените парламентарни избори. Според новите бројки, гласале 943.750 гласачи, а бројот на неважечки ливчиња е 31.564.

Претходно, ДИК објави дека вкупно гласале 942.334 гласачи, а неупотребени биле 869.889 гласачки ливчиња, 910.868 биле важечки и 31.466 неважечки ливчиња.

Според оваа изборна математика на ДИК, во заклучокот пред да биде корегиран излегуваа 1.812.223 гласачки ливчиња, а не како што беше објавено од страна на ДИК. Сега, пресметката покажува дека бројот на граѓани кои гласале е зголемен за 1.416, а зголемен е за 148 бројот и на неважечки ливчиња.