Домот за стари лица во Радовиш ставен во карантин
Домот за стари лица во Радовиш под карантин. Шест штитеници се позитивни на коронавирус, двајца се веќе хоспитализирани во Штипската болница. Има тројца заболени и меѓу вработените...
Радовишкиот Дом за стари лица ствен во карантин. Двајца корисници позитивни на Ковид- 19 веќе се хоспитализирани во штипската клиника, а позитивни се уште четворица кои се сместени во домот, но се во добра општа здравствена состојба. Не се позитивни само старите лица кои се корисници, позитивни се и 3 вработени лица.
Забраната за посета на старите лица во домот била донесена пред регистрирањето на првиот позитивен случај. Прва се заразила една од вработените, а вирусот се проширил и на штитениците.
Возрасните генерално ги почитуваат безбедносните мерки, ама младите речиси насекаде се без маска, а дистанцата која е пропишана никој и не ја почитува. Стравувањата на инфектолозите од југоистокот е дека безразличноста на младите ќе наштети на повозрасната популација.
Во моментот во Радовиш има вкупно 19 активни случаи.
Стојне Митева