Малиот градски пазар во Велес по четири месеци повторно отворен
После четири месеци малиот градски пазар во Велес, повторно се отвори. Од Јавното комунално претпријатие Дервен велат дека се извршени сите потребни услови за работа, купувачите ги почитуваат правилата, а пазарџиите се задоволни што повторно можат да продаваат. Малиот пазар ќе работи само во пазарните денови вторник, петок и недела со скратено работно време од 07 до 14 часот...
Малиот Градски пазар во Нова Населба во Велес, којшто е од затворен тип, после четири месеци поради пандемијата од Ковид- 19, ги отвори вратите за потрошувачите и купувачите. Од ЈКП Дервен велат дека после дезинфекцијата, пазарот сега ги има сите услови за работа.
Купувачите носат маски, а редарите вршат дезинфекција. Се влегува од еден влез, а се излегува од друг. Пазарџиите велат дека сега се задоволни, бидејки четири месеци немале каде да продаваат.
Покрај пазарот во Нова Населба, со скратено работно време работи и градскиот пазар во долниот дел на градот, поради состојбата со Ковид-19. Тој е еден од трите пазари во државава кој работеше и во време на пандемија.
Памела Цилаков