СЗО донираше заштитна опрема за Клиниката за инфективни болести

Светската здравствена организација (СЗО) во рамките на солидарити фондот, донираше лична заштитна опрема за здравствените работници на Клиниката за инфективни болести и фебрилни состојби.

Пратката содржи 293.700 парчиња опрема за лична заштита, односно 65.000 медицински маски, 122.000 N95 заштитни маски, 5.200 очила, 10.500 заштитни наметки и 91.000 ракавици, а вредноста на донацијата изнесува 305.000 американски долари.

Проверени се сите предмети од испорачаната опрема за да се обезбеди исполнување на стандардите за квалитет и безбедност за здравствените работници во првите редови со Ковид-19.

Министерството за здравство упатува благодарност до СЗО за донацијата, но и за целокупната поддршка и соработка во справувањето со корона вирусот.