Три години и шест месеци затворска казна за Јанакиески во случајот „Топлик“
Три години и шест месеци затворска казна за поранешниот министер за транспорт, Миле Јанакиески во случајот „Топлик“. За виновни се прогласени и преостанатите петмина обвинети. Сите се гонат за злоупотреба на службената положба и овластувања. Го оштетиле буџетот за повеќе од 6 милиони и 200 илјади денари...
Три ипол години казна затвор му изрече судот на екс- министерот за транспорт и врски Миле Јанакиески за случајот „Топлик“. Предметот е за продажба на градежно земјиште за изградба на резиденцијалната населба „Сончев град“ во Сопиште. И другите петмина обвинети со првостепената пресуда се прогласени за виновни. Претседателот на Комисијата за јавно наддавање доби затворска, а другите четворица члена условна казна.
Сите обвинети во случајот се гонат за злоупотреба на службената положба и овластувања. Направиле штета на буџетот од над 64 милиони денари. Пресудата е првостепена и странките имаат право на жалба до Апелацискиот суд Скопје. Обвинителот делумно задоволен од пресудата.
На поранешниот министер за транспорт и врски Јанакиески, ова му е петта пресуда. Од претходните четири, тој доби две условни и две затворски казни. Пред судот во тек се уште четири судски процеси.
Марија Котовска