Приватните лекари четврток на 7-ми април на протест пред Министерството за здравство

Нов протест на приватните лекари, овој пат на 7-ми април на Денот на здравството и тоа во Скопје пред Министерството за здравство. Така одлучил УО на Здружението на приватни лекари. Овој ден тие нема да примаат пациенти и истите ќе бидат упатени до службите за Итната помош.

Листата на нивните забелешки е долга, а досега, велат дека ништо не се придвижило во желбата за надминување или решавање на проблемите. Висината на капитацијата од 63 денари по пациент, била многу ниска за покривање на сите трошоци за работа на приватните доктори.

Поради лошите услови за работа бројот на лекарски ординации годинава од 1,4 илјади паднал на 1.200. Само во Велс во минатиот месец предвреме беа затворени три. Државата призна дека околу 500 приватни лекари, примаат минимална плата од 18 илјади денари.

Петар Печков