Партиите со различни ставови околу приоритетите во образованието

„Владата допрва ќе се соочува со социјални немири и штрајкови“, предупреди лидерот на ВМРО-ДПМНЕ, Христијан Мицкоски. Тој потсети дека нивните пратеници во Собранието предложија закон за нивелирање на примањата на вработените во образованието и администрацијата, согласно коефициентот за сложеност на работното место и зголемувањето на минималната плата, но мнозинството го отфрли предлогот. Мицкоски бара да се прифатат барањата на синдикалците и законското решение повторно да се врати во процедура.

Од СДСМ велат – јасна е потребата од достоинствено вреднување на трудот на наставниците, но врвен приоритет треба да биде најдобриот интерес за учениците. Од владејачката партија побараа, како што велат, ВМРО – ДПМНЕ да престане со политизација на штрајкот и посочија дека платите досега се зголемени и може да се стигне до решение преку социјалниот дијалог.

Од Левица, пак, коментираат дека власта се обидува да го задуши штрајкот во воспитно – образовните институции.

Марија Котовска