Отворен Инфо центарот за Шар Планина на планинарскиот клуб „Љуботен“
Информации за планинарските врвови, патеки, сместувачките капацитети и активности на Шарпланинскиот предел, отсега туристите ќе добиваат во Инфо центарот Шар Планина, лоциран и свечено отворен во Тетово, до просториите на планинарскиот клуб Љуботен. Целта е промоцијата на вредностите на Шара и зачувување на нејзините природни убавини...
Луѓето многу малку ја познаваат Шара нејзините вредности, и тоа што го нуди, сметаат туристичките работници. За нив инфоцентарот е повеќе од неопходен за промоција на планината, но и популаризација на повеќе адреналински спортови, особено во летниот период.
Освен информативен, центарот ќе има и едукативен карактер, во поглед на зачувување на биодиверзитетот на Шара, велат од Македонското еколошко друштво
Инфо центарот е прв од ваков вид, каде ќе може да се добијат сите потребни информации за Шара. Го отвори планинарскиот клуб Љуботен кој годината слави 92 години постоење.
Центарот е поддржан од проектот одржлива иднина, за регионот Шара – Кораб – Коритник.
Зоран Димовски