Пропадна протестот на КСС, се жалат на притисоци

Конфедерацијата на слободни синдикати го прекина денешниот протест пред Собранието поради, како што велат, притисоци врз членството.

Претседателот на синдикатот Благоја Ралповски изјави дека на вонреден состанок во синдикатот денеска ќе се одлучува за следните мерки, односно дали ќе се одржат најавените секојдневни едночасовни протести.

На најавениот собир пред протестот во Жена парк во центарот на градот се појавија околу стотина административни работници без транспаренти.