Компаниите не размислуваат за намалување на цените на производите
Приватните компании задоволни од владината помош за субвенционирање на струјата, но дел од нив велат дека нема да ги намалет цените. Министерот Бектеши вели, засега не се планира замрзнување на цените...
Домашните компании од прехранбената индустрија задоволни од владините субвенции за справување со енергетската криза. Поевтината струја за нив значела стабилност на пазарот, во снабдувањето, но и во задржувањето на вработените. И покрај поддршката, дел од нив не размислуваат повторно да ги намалат цените на продуктите. Причина за тоа се поскапите суровини, материјали, нафтата. Од владата бараат и очекуваат дополнителна помош.
Согласно проценките на Министерството за економија, цените на основните продукти се стабилизирани. Според министерот Бектеши, некои компании веќе ги намалиле цените на производите за 7 до 13 проценти. Економскиот тим размислува за нови мерки за поддршка на компаниите.
Инфлацијата и бранот поскапувања веќе го истенчија семејниот буџет. Трошоците за живот лани пораснале за 14,2 проценти.
Викторија Милевска