Експресен откуп на тутунот
Тутунот е речиси откупен, а има уште месец и половина до крајот на законскиот рок. Тутунарите главно задоволни почнаа да планираат реални цени за новата реколта за да се одржи тутунопроизводството …
Како никогаш досега, тутунот се откупи месец и половина пред законскиот рок. 98 проценти од реколтата или 20.800 тони се веќе преземени од 10-те откупувачи со просечна цена од 288 денари. Добра, квалитетна и барана реколта, оценуваат тутунарите. Откупувачите мора да ги држат отворени вратите до крајот на февруари кога официјално се заокружува ланската реколта.
Тутунарите веќе се концентрирани на новата реколта. За да се одржи тутунопроизводството, треба да остане исплатливо и за помладите генерации. Тоа значи реална процена и повисоки цени следејќи ги трошоците и стандардот.
Повисоката откупна цена на преку 20.000 производител во земјава им донесе и повисоки субвенции.
Елизабета Митреска