Дополнително затегање на монетарната политика

Одржана беше редовната седница на Комитетот за оперативна монетарна политика. На последната седница на Комитетот за оперативна монетарна политика е донесена одлука, каматната стапка да се зголеми за дополнителни 0,5 процентни поени, сега изнесува 5,25 проценти.

„Во согласност со зголемувањето на основната каматна стапка, ќе се применува и повисока каматна стапка на кредитот преку ноќ“, велат од Народна банка.

Зголемување има и на каматните стапки на расположливите депозити преку ноќ и на седум дена, исто така за 0,5 процентни поени. Целта на потезите на Народна банка, е одржување на стабилноста на девизниот курс и стабилизирање на инфлацијата на среден рок. На седницата беше утврдено, дека остварувањата кај клучните макроекономски показатели, главно се во согласност со очекуваните.

Сепак, амбиентот за спроведување на монетарната политика и натаму е неизвесен и бара претпазливост. Вкупната инфлација, почна да забавува кон крајот на минатата година, во согласност и со намалувањето на светските цени, а се очекува дека овој тренд ќе продолжи и во тековната година. Овие каматни стапки ќе се применуваат од 15.2.2023 година.