Нови цени на горивата

Од полноќ бензините поевтинуваат, дизелот поскапува за половина денар – одлучи регулаторната комисија за енергетика. Новата цена на „Еуросупер“ БС – 95 ќе изнесува 81,50 денари за литар, „Еуросупер“ БС – 98, 83,50 денари. Еуродизелот ќе се продава за 76,50 денари за литар.

Цената на екстра лесното масло за домаќинство не се менува и останува 75,00 денари. Новата цена на мазутот е 42,197 денари за килограм. Малопродажните цени на нафтените деривати се зголемуваат во просек за 0,27%.

Од РКЕ посочуваат дека референтните цени на нафтените деривати на светскиот пазар, во споредба со претходната пресметка бележат намалување кај бензините во просек за 2,388 отсто, кај дизелот за 0,749 и кај екстра лесното масло за 0,883 отсто, додека кај мазутот има зголемувања за 1,191 отсто.