Крушево: Инфраструктура на историски и туристички Мечкин Камен
Крушево интензивно го спроведува проектот за прекугранична соработка со Елбасан, Албанија. Подразбира нова инфраструктура. Паралелно се обновува и врската со споменичната целина на Мечкин Камен во пресрет на јубилејниот Илинден...
Крушево забрзано ја гради туристичката инфраструктура, но и ја обновувува врската со споменичната целина на историско Мечкин Камен. Со паркинзи, контролна кула, обновување на патот до споменичниот комплекс во годината на јубилејниот Илинден, Крушево е во инфраструктурно движење.
Туристичката инфраструктура е дел од проектот за прекугранична соработка со Елбасан вреден преку 700.000 евра. Градот ги почна подготовките за авантуристичките параглајдерски и змејарски меѓународни купови и првенства, и со другите манифестации годинава очекува преку 2.500 спортисти од светот или вкупно околу 15.000 гости и туристи. Иако со помалку снег, за 20 насто се зголемил бројот на гостите за празниците и во зимската сезона.
Тригодишниот проект за прекугранична соработка со Елбасан, Албанија е до 2025 година.
Елизабета Митреска