Поскапуваат горивата од вечерва на полноќ
Регулаторна донесе одлука со која се врши зголемување на малопродажните цени на нафтените деривати во просек за 1,22% во однос на малопродажните цени на нафтените деривати утврдени согласно одлуката за утврдување на највисоки малопродажни цени на нафтените деривати и горива за транспорт...
Поскапуваат горивата од вечерва на полноќ, соопшти Регултаротна комисија за енергетика.
Регулаторна донесе одлука со која се врши зголемување на малопродажните цени на нафтените деривати во просек за 1,22% во однос на малопродажните цени на нафтените деривати утврдени согласно одлуката за утврдување на највисоки малопродажни цени на нафтените деривати и горива за транспорт на Регулаторната комисија за енергетика и водни услуги на Република Северна Македонија од 03.03.2023 година.
Цената на ЕУРОСУПЕР 95 се зголемува за 1 денар, и од утре ќе чини 82,5 денари по литар. Цената на ЕУРОСУПЕР 98 се зголемува за 1 денар и ќе чини 84,5 денари по литар.
Раст на цената и на ЕУРОДИЗЕЛ за 0,5 денари, и со новата цена од утре ќе изнесува 78,5 денари по литар.
Поскапува и екстра лесното масло од 77 на 78 денари, додека цената на мазутот се зголемува за 0,7 денари и според новата цена ќе се продава за 42 денари по литар.