Замрзнати цените на тестенините и млечните производи
Од 16-ти март замрзнати цени на тестенините и млечните производи. Ќе се продаваат за 10 и 15 насто поевтино. Простор за намалување на цените има и кај други производи, вели бектеши.. Владата наредната недела ќе се изјасни дали оваа мерка ќе се спроведе и за оризот, јајцата и шеќерот..
Од 16-ти март замрзнати цени на тестенините и млечните производи. Ќе се продаваат за 10 и 15 насто поевтино. Идната недела можна одлука за замрзнување на цените на белиот ориз, шеќерот и јајцата…
За 15 проценти поевтинуваат тестенините, млекото и млечните производи ќе се продаваат по цена пониска за 10 отсто. Владата пресече, на 16-ти март се замрзнуваат цените на овие продукти и одлуката ќе важи до 31-ви мај. Премиерот Ковачевски со предлог до компаниите, да не го чекаат последниот рок и да почнат да ги намалуваат цените. Информираше дека новата цена ќе се формира согласно тие, кои се применувале на 1-ви март годинава.
Бидејќи нема домашен производител на макарони, се укинуваат царинските давачки, а намалувањето кај тестените ќе биде од 8 до 9 денари. Министерот за економија Бектеши најави компаниите што дополнително ќе ја намалат цената на тестенините и млечните производи ќе добијат дополнителна поддршка од државата.
Бектеши открива дека се прават анализи, дали ќе се замрзнат цените и на шеќерот, јајцата и оризот. Ова е второ замрзнување на цените на производит,е откако месецов со одлука на Владата, белиот и полубелиот леб се продаваат по цена до 33 денари.
Викторија Милевска