Дизелот поевтинува, бензините поскапуваат за денар

Од ноќеска на полноќ цената на дизелот ќе се намали за еден денар, а бензините за еден денар ќе поскапат, одлучи Регулаторната комисија за енергетика. Се намалуваат и цените на екстра лесното масло за домаќинство, за 1,50 денари, како и на мазутот, за 0,321 денари.

Бензинот од 95 октани ќе чини 83,5 денари за литар, додека тој од 98 октани ќе чини 85,5 денари, дизелот ќе се продава по 77,5 денари, екстра лесното за 76,5, а мазутот по 41,667 денари за килограм.

Со одлуката на РКЕ се врши зголемување на малопродажните цени на нафтените деривати во просек за 0,31 отсто.