Поевтинуваат дизелот и бензинот од 95 октани

Дизелот и моторниот бензин од 95 октани од ноќеска на полноќ поевтинуваат за два денари за литар, а цената на другите горива останува иста, одлучи денеска Регулаторната комисија.

Новата малопродажна цена на Еуросупер БС-95 ќе изнесува 81,5, а на Еуродизел 75,5 денари за литар. Еуросупер БС-98 и понатаму ќе се продава за 85,5, а Екстра лесното масло за горење за 76,5 денари за литар.

Со одлуката се врши намалување на малопродажните цени на нафтените деривати во просек за 1,9 отсто.