Пониска цена на горивата од полноќ

Дизелот поевтинува за 1,5 денар, а бензините и екстра лесното за половина денар од ноќеска на полноќ, одлучи денеска Регулаторната комисија за енергетика.

Новата цена на литар дизел ќе изнесува 74 денари, додека бензинот од 95 октани ќе се продава за 81 денар, а оној од 98 октани ќе има цена од 83 денари.

Литар екстра лесно масло за горење ќе чини 73,5 денари, а се намалува и малопродажната цена на мазутот за 1,649 денари за килограм и ќе изнесува 38,130 денари.

Со одлуката на РКЕ се врши намалување на малопродажните цени на нафтените деривати во просек за 1,6 проценти.