Нова верзија на апликацијата „МојДДВ“, поврат до 2.100 денари

Управата за јавни приходи излезе со соопштение за луѓето кои скенираат фискални сметки за да добијат поврат на ДДВ. Откако законските измени поминаа во Собрание, лимитот на поврат е подигнат од 1.800 на 2.100 денари.

Корисниците на „МојДДВ“ треба да ја преземат новата верзија на апликацијата којашто е веќе достапна. Исплатите за скенираните фискални сметки во првото тримесечје, односно од јануари до март, ќе се реализираат во мај.

Последните податоци покажуваат дека фискални скенираат над 520 илјади луѓе, а досега се вратени околу 6 милијарди денари.