Хигиенските производи со замрзната цена, следуваат одлуки за овошјето и зеленчукот
Одлуката за хигиенските производи е донесена врз основа на анализите што ги направи Секторот за трговија при Министерството за економија и се земени предвид увозните цени од Царинската управа. Ќе важи до 31-ви мај, но може и да се продолжи.
Владата на седница донесе одлука, за 13 проценти се намалуваат и ограничуваат цените на тоалетната хартија, хигиенските влошки, влажните марамчиња, пелените. До крајот на неделава ќе се знае и кои видови зеленчук и овошје ќе бидат со ограничени цени. Веќе се замрзнати цените на белиот и полубелиот леб, дел од млечните производи и тестенините. Од Владата најавуваат дека ќе носат такви одлуки се додека има потреба.
Одлуката за хигиенските производи е донесена врз основа на анализите што ги направи Секторот за трговија при Министерството за економија и се земени предвид увозните цени од Царинската управа. Ќе важи до 31-ви мај, но може и да се продолжи.
Министерот за економија Бектеши, вели дека има подготвеност државата да се откаже од дел од ДДВ-то за некои производи. Стопанската комора предупреди- ограничувањето не е пазарна мерка, владата да ги активира стоковите резерви.