Раноградинарите од струмичко реагираат на замрзнување на цените на дел од зеленчукот
Од утре ограничени цени на 11 видови овошје и зеленчук. Ќе важат до крајот на месецов. Земјоделците незадоволни, прашуваат, зошто прво не се замрзнале цените на репроматеријалите, туку на производите. Обврската за намалување на цените ќе важи и за пазарџиите. Инспекторите ќе проверуваат на терен…
Владата требаше да ги замрзне цените на репроматеријалите, за да имаме поевтин зеленчук, а не да ги замрзува продажните цените на доматите, краставиците и пиперките во период кога стасува сопственото производство на македонските земјоделци. Вака смета Драги Памуков, од здружението Кукла Градинар, според кого градинарите ќе мора зеленчукот да го предаваат под производствената цена.
Одлуката за замрзнување на цените на дел од зеленчукот, е врз основа на пресметките за увоз, а не според производствените трошоци на македонскиот земјоделец, смета Памуков. Тој стравува дека замрзнати цени ќе има и следниот месец.
Од утре, свежите доматите по пазарите и маркетите, ќе се продаваат по максимум 70 денари, краставиците 75, пиперките 90 и овие цени ќе важат до крајот на месецов.
Ване Трајков