Производителите бараат замрзнатата цена да важи само на увезениот ран зеленчук
Домашните производители на ран зеленчук велат дека замрзнатите цени се под производните и сметаат дека треба да важат само за увезените производи. Трговците велат дека мерката е неодржлива бидејќи треба да продаваат производи кои ги набавуваат по веќе замрзната цена од пазарите на големо...
Замрзнатите цени на раноградинарските производи се под производните цени, а најголеми загуби ќе имаат оранжериите кои користат мазут за загревање. Ова е удар за домашното производство смета еден од поголемите производители на ран зеленчук во државата.
Мерката не ја оправдуваат ниту производителите ниту трговците со ран зеленчук.
Одлуката за замрзнати цени на 11 производи ќе важи до крајот на месецот. Државниот инспекторат најави контроли во маркетите и зелените пазари.
Славица Величковска