Казни за компаниите кои чуваат залихи во магацините на овошје и зеленчук

Над триесет инспекциски надзори на увозниците на овошје и зеленчук, извршиле инспекторите на пазарниот инспекторат. Има залихи во магацините, велат од инспекторатот, кои не биле пуштени во промет.

Инспекциските служби се на терен, секој што го прекршил законот ќе одговара. Парична казна или кривична пријава ќе има, истакна вицепремиерот Битиќи.

Долгонајавуваните мерки немаат ефект. Инфлација во март е над 14,7 проценти, ова е показател дека ништо не се променило во месец март, обвинуваат од ВМРО-ДПМНЕ.

Викендов инспекторите со финансиската полиција и УЈП, влегоа во магацините и складиштата на увозниците за да ја проверат документацијата за набавките на овошјето и зеленчукот. На Кванташкиот пазар во Скопје, во Струмица и во Дебар се контролираа производите. Според најавите, на владина седница ќе се ревидираат дел од замрзнатите цени на овошјето и зеленчукот.

Наташа Јанчиќ Менковски