11.612 вработени останале без плата во март

Директорката на Управата за јавни приходи, Сања Лукаревска на брифинг со медиумите откри дека во минатиот месец 5.716 работодавачи не поднеле М-пин пријава за плата.

Во месец март се регистрирани 69.156 работодавачи. Од нив 56.073 исплатиле плата, а 5.716 работодавачи за 11.612 вработени не испратиле плата за третиот месец од годината, брифираше Лукаревска.

Рокот за поднесување на М-пин пријавите за плати е 26-ти април, тие кои не исплатиле плати ќе се соочат со опомена, а подоцна и со блокирање на сметката на правното лице.