Стратегија за окрупнување на земјоделското земјиште

Се подготвува новата Национална стратегија за консолидација на земјиште 2022-2030 година поддржана од Европската унија и од меѓународната организација за храна – ФАО.

Со претходниот ваков проект е направено значително намалување на расцепканоста на парцели и нивно спојување во 9 подрачја во државата каде се направија планови за окрупнување, односно во Конче, Егри, Логоварди, Оптичари, Трн, Дабјани, Кожле, Соколарци и Спанчево.

7 од нив се веќе усвоени од страна на земјоделците. Создадени се нови поголеми парцели со површина од 3.000 хектари, а бенефит во работењето имаат повеќе од 2.500 земјоделци.

Во консолидациските подрачја е планирана изградба и рехабилитација на 54 километри пристапни патишта, поставување и поправки на 67 километри одводна и 3 километри нова мрежа за наводнување.

Минатата година во Егри е целосно завршена планираната дополнителна земјоделска инфраструктура, инвестиција вредна 500.000 евра со финансиска поддршка на Европската унија. Вклучува 8,4 километри одводни канали и 11 километри нови пристапни патишта. Во Трн се очекува постапката за изградба да почне оваа година, а работите ќе продолжат и во другите подрачја.

Методија Трајков