100 милиони евра поддршка за земјава од ЕУ

Европарламентарците донесоа одлука, на земјава да ѝ се одобрат 100 милиони евра за реформските процеси и за економска стабилност. Предлогот на комисијата да се искористат парите од инструментот за макрофинансиска помош доби поддршка.

Средствата ќе бидат достапни во две транши. Макрофинансиската помош е условена со спроведување политики на доброто владеење и управување со јавните финансии. Од Владата велат, дека е ова уште еден од пример за партнерството кое го имаме со Европската унија.