Бектеши: Компаниите не ја диктираат цената на струјата

Струјата нема да поскапи 13 насто, енергетските компании не ја диктираат цената, последниот збор го има Регулаторната комисија, уверува Бектеши со став, клучно е колку ќе изнесува цената за мегават час по која ЕСМ ќе ја продава на универзалниот снабдувач ЕВН Хоум.

„Претходната година енергетските компании бараа зголемување, ако се сеќавате – 78 отсто, па некои компании надминаа и над 100 отсто. Не е важно колку бараат тие, важно е колку ќе се одобри од Регулаторната комисија за енергетика и која ќе биде цената што ќе ја утврди Владата на ЕСМ, која ќе ја даде кон универзалниот снабдувач, во овој случај ЕВН, цена што важи за домаќинства и мали потрошувачи. Тоа значи дека 13 отсто зголемување, кое е барање од страна на енергетските компании, најверојатно нема да се прифати. Јас можам да кажам дека нема да се прифати цената што би можело да ја бара ЕСМ, а работа на Регулаторната комисија за енергетика е да направи калкулации за барањето од страна на МЕПСО и другите компании“, рече Бектеши.

Експертите со став – креаторите на политиките јасно треба да кажат како ќе постапат ако се враќа ДДВ-то, и од каде ќе се обезбедат пари да се анулира потребниот вишок на зголемување доколку остане цената иста.

Професорот Треневски прашува дали тоа ќе значи намалување на други трошоци и како ќе се оправда во иднина .

Извесно е дека ДДВ-то за струја на сметките од 1 јули се враќа на 18 проценти, а Регулаторната комисија за енергетика веќе најави, дека ќе има и евтина дневна тарифа два часа во периодот од 11 до 16 часот.

Александра Велинова