Стопанска комора: УЈП да објавува бела листа за да се види кој го полни буџетот
Стопанската комора побара државата поагилно да влезе во борба со сивата економија. Повикаа освен црна, да се објавува и бела листа за да се види кој ја полни државната каса...
Време е за рестарт, сивата економија долго време ги оптоварува и државата и бизнисот, порача Стопанската комора. Оттаму велат дека е време, Управата за јавни приходи, освен црна листа на неплаќачи на данок, да почне да објавува и бела листа, за да покаже кој го полни буџетот.
Потребно е и тело за соработка меѓу УЈП и деловните даночни обврзници, што би помогнало на Управата на терен преку комуникација со компаниите што плаќаат данок, да се информира за слабостите и за тоа каде се крие сивата економија.
Сивата економија не е само економско, туку и општествено прашање и треба да се реши за да имаме подобро здравство, образование и развој, рекоа од Комората.
Марија Котовска