За два денари поскапуваат бензините, дизелот и мазутот

Од полноќ цените на нафтените деривати се зголемуваат за два денари, одлучи Регулаторната комисија за енергетика (РКЕ) на денешната седница. РКЕ соопшти дека зголемувањето е последица на порастот на референтните цени на нафтените деривати на светскиот пазар.

Покачените цени ќе изнесуваат 84,5 денари за литар Еуросупер БС-95, Еуросупер БС-98 ќе биде 86,5 денари, дизелот ќе биде 74,5 денари за литар а Екстра лесното масло за домаќинство изнесува 73,5 денари за литар.

Цената на Мазутот исто така е покачена и ќе изнесува 42,338 ден/кг.

Покачувањата ги зголемија цените на нафтените деривати во просек за 2,72 проценти.