Наредната недела ново замрзнување на цените
Следната недела следува ограничување на цените на прехранбените производи. Ресорниот министер ќе се сретне со сопствениците на маркетите за да информира за забраната за акциската продажба на производите. Поскапувањето е екстремно високо-вели главниот пазарен инспектор...
Следната недела замрзнување на цените на прехранбените производи – најави министерот за економија Бектеши. Ќе се забрани и акциска продажба до 30-ти ноември, а од понеделник пред да се донесе мерката да има линеарно за 10 проценти намалување на прехранбените производи – порача министерот. За утре најави средба со сопствениците на маркети. Вели нема да се дозволи профитирање врз грбот на граѓаните, освен глоби, ќе има и затворање на правните субјекти.
Државниот пазарен инспекторат не учествува во формирањето на цените на производите, но поскапувањето е енормно високо, вели директорот Трајковски.
Имајќи го предвид движењето на светските берзи, нема основ за зголемување на цените на основните прехранбени производи и од страна на трговците, но и од производителите, велат надлежните. Големите синџири на маркети немаат намалување на приходите, туку напротив имаат зголемување минатата година-истакна Бектеши.
Сунчица Николовска