Високи цени на пазарите, граѓаните револтирани
Цените на пазарите високи, граѓаните револтирани, си одат со празни ќесиња. Посочуваат дека луксуз се и традиционалните производи. Мерки за цените носи Министерството за економија, ние ги спроведуваме, вели министерот за земјоделство Николовски. Работиме на стимулирање на земјоделците и зголемување на земјоделското производство…
Цените на пазарите високи, граѓаните револтирани, си одат со празни ќесиња. Велат дека луксуз се и традиционалните производи – доматите, пиперките, краставиците. Замрзна цената на овошјето и зеленчукот во маркетите, но не и на пазарите од каде почесто пазаруваат.
На прашањето до министерот за земјоделство Николовски, дали планираат да ги заштитат потрошувачите и земјоделците од трговците со проширување на мерката за замрзнување на цените и на пазарите, тој вели дека надлежноста е на Министерството за економија.
Со владината одлука за замрзнување на цените на основните прехранбени продукти, маркетите беа обврзани да обезбедат најмалку 70 насто од количествата што ги имале пред август. Но, потрошувачите велат дека овошјето и зеленчукот на рафтовите или ги има во мали количества или воопшто ги нема.
Александра Велинова