Битиќи на средба со новиот раководител на ЕБОР, Фатих Туркменоглу
На работниот состанок, како што соопштуваат од Владата, се разговараше за портфолиото на проекти на ЕБОР кои се реализираат во државата, а се поврзани со развојот на инфраструктурата, која има клучно значење за севкупниот економски и социјален развој. Стана збор за Коридорите 8 и 10, железничката инфраструктура, но и за изградбата на пречистителна станица за градот Скопје.
Вицепремиерот за економски прашања, координација на економските ресори и инвестиции, Фатмир Битиќи денеска се сретна со новиот раководител на Европската банка за обнова и развој (ЕБОР) во Северна Македонија, Фатих Туркменоглу.
На работниот состанок, како што соопштуваат од Владата, се разговараше за портфолиото на проекти на ЕБОР кои се реализираат во државата, а се поврзани со развојот на инфраструктурата, која има клучно значење за севкупниот економски и социјален развој. Стана збор за Коридорите 8 и 10, железничката инфраструктура, но и за изградбата на пречистителна станица за градот Скопје.
На средбата, меѓу другото, се разговараше и за финансиските можности кои ЕБОР заедно со Владата ги нуди за инвестирање во обновливи извори на енергија и енергетска ефикасност, особено за малите и средни претпријатија и ранливите групи на граѓани во државата. Притоа, стана збор и за можноста за продлабочување на понатамошната соработка во насока на развивање на климатски отпорна инфраструктура во Северна Македонија.
Заеднички беше оценета важноста преку поволни финансиски и кредитни линии приватниот сектор уште повеќе да биде вклучен во засилената енергетска транзиција на Северна Македонија, стои во соопштението.