Најмалку 20 луѓе се убиени при напад на екстремистичката група Боко Харам во североисточната нигериска држава Борно.
Екстремистите нападот го извршиле врз неколку патници во автомобили на локален пат.
Од нападите на Боко Харам досега 17.000 луѓе го загубиле животот.
Претседателот Владимир Путин со рекорден рејтинг во Русија. Според податоците на истражувањето на јавното мислење на Социолошкиот центар во Москва, Путин го поддржале 89,9 испитаници.
Министерот за надворешни работи на Германија, Франк Валтер Штајнмаер, предупреди дека не смее да се дозволи бегалската криза да предизвика несосогласувања и конфликти меѓу Балканските земји.
Инцидент во училиште во градот Тролхетан во Шведска. Четири ученици и еден маж се повредени, откако маж со мачета влегол во училиштето за време на наставата.
Полицијата го потврди инцидентот и соопшти дека има голем број повредени.
Францускиот претседател Франсоа Оланд во придружба на четворица министри е во дводневна посета на Грција. Според локалните медиуми, официјална Атина од посетата очекува да ги зајакне односите меѓу двете земји.
Министерот за надворешни работи на Русија, Лавров в петок во Виена ќе има средба со државниот секретар на САД, Џон Кери.
Главна тема на разговорите е Сирија, а на состанокот ќе присуствуваат и претставници на Турција и Саудиска Арабија.
„Викиликс“ објави мејлови на директорот на ЦИА, Џон Бренан. Мејлот бил хакиран од ученик од средно училиште.
Американските безбедносни агенции се сериозно загрижени дека меѓу бегалците од Сирија можеби ќе има и припадници на терористички групи.
Ескалираше бегалската криза на словенечко-австриската граница. Полицијата се откажала од обидот да ја контролира толпата мигранти, им кажала дека веќе нема возови и автобуси и слободно може да пешачат 50 километри до Грац.
Изутринава избувнал пожар во кампот за бегалци во Брезице во Словенија. Луѓето во паника барале да бидат отворени вратите. Според локалните медиуми, пожарот бил намерно подметнат од мигрантите во знак на протест.
