Се разбуди највисокиот вулкан во Мексико, Попокатепетел. Вулканот, кој исфрлил пепел и чад во небото, се наоѓа на 80 километри од главниот град.
Според информација на Националната цивилна заштита на Мексико, висината на чадот и вулканскиот прав достигнува 3.000 метри над кратерот.
Поранешната воена база покрај меѓународниот аеродром во Багдад, во која се сместени ирански дисиденти беше цел на ракетен напад доцна синоќа, во кој беа убиени тројца ирачки војници.
Иранските дисиденти тврдат дека уште најмалку 20 нивни луѓе загинале во нападот.
Владата на Словенија на вонредна седница ја предвидела можноста од заострување на мерките на граничната контрола поради приливот бегалци, што е подготвена да го направи ако се влоши состојбата со бегалскиот бран.
21 мигрант загина во двете најнови несреќи во водите на Егејското Море. Доцна синоќа грчките власти добиле сигнал за превртен чамец со над сто бегалци во регионот на Калимнос.
Најмалку две лица загина во серија силни експлозии што се случија во еден магацин за оружје во областа Луганск, на југоистокот на Украина. Експлозиите предизвикале масовна паника во областа инаку под контрола на Киев.
Германскиот весник „Билд“ објави доверлив интерен документ на Дојче Банка според кој потегот да и се прости на Грција долгот од 200 милијарди евра е скап, но и неизбежен и ќе мора да се случи до крајот на годинава.
Европската унија на четири месеци ги укинува санкциите за околу 170 Белоруси, меѓу кои и претседателот Лукашенко.
Одлуката ќе биде во сила четири месеци, а е донесена откако Лукашенко во август помилува шестмина политички затвореници.
Европската унија може и да се распадне ако не одговори на мигрантската криза колективно и со инструментите со кои располага.
Кинеските власти одлучија да ја укинат долгогодипната политика на едно дете, соопшти агенцијата „Ксинхуа“.
На сите двојки ќе им биде дозволенo да имаат по две деца, соопшти агенцијата повикувајќи се на изјава од Комунистичката партија.
Американски воен цепелин кој се откачил од воената база во Мериленд е успешно приземјен, откако неколку часа правеше хаос летајќи без контрола.
