Предлозите за нови министри пратени до Собранието

Предлозите на Владата за нови министри се доставени до Собранието. Кандидат за министер за правда е досегашната министерка за образование и наука, Рената Десковска, додека пак за нејзиниот досегашен ресор предложен е Арбер Адеми. Кандидат за министер за култура е Афас Адеми, а за министер без ресор Барол Даути.  Владиниот портпарол Миле Бошњаковски ги соопшти и предлозите за нови заменици министри.

„Андреј Жерновски, зменик- министер во Министерството за надворешни работи, Асим Муса- во Министерството за здравство, Ѓонул Бајрактар - за Министерството за труд и социјална политика и Садик Бекири- предлог за заменик-министер во Министерството за транспорт и врски. Во Собранието се пратени и оставките кои треба да бидат констатирани- за Билен Салији, министер за правда, Рената Дескоска, министер за образование и наука и Роберт Алаѓозовски, министер за култура“, изјави владиниот протпарол, Миле Бошњаковски.

Владата до Собранието ги испратила и оставките на досегашните заменици министри. Арта Точи од Министерството за надворешни работи, Гоце Чакоравски од здравство, Арбер Адеми од министерството за образование и наука, Ермир Азири од труд и социјална политика и Ремзи Мехмети од позицијата заменик министер за транспорт и врски.

Марија Котовска