Коцијанчич: Македонија засега останува ПЈРМ за ЕУ

Портпаролката на Европската Комисија, Маја Коцијанчич, прецизираше дека сѐ додека не е целосно имплементиран договорот постигнат помеѓу Грција и Македонија за спорот со името, Европската унија ќе продолжи да ја нарекува земјата според привременото име.

„Договорот е постигнат, објавен и потпишан, но остануваат одреден број чекори кои треба да се преземат за да биде комплетиран. Во официјалната комуникација ќе продолжиме да ја нарекуваме оваа земја „Поранешна југословенска Република Македонија“, што беше случај и во досегашната наша комуникација. Двете страни мора да преземат многу чекори, а дотогаш, односно до целосното спроведување на договорот од двете страни, ние продолжуваме да го употребуваме името со кое оваа држава беше примена и во Обединетите нации“- изјави Коцијанчич.