Министерот за внатрешни работи Панче Тошковски по трагичната несреќа во Кочани донесе повеќе одлуки за разрешувања на началници и командири во рамки на Министерството за внатрешни работи.
Се разрешуваат:
1. Началник на Сектор за внатрешни работи Штип
Во општината во Кочани се врши претрес, надлежни институции одземаа дел од документацијата во врска со надлежностите на администрацијата околу дозволите за работа на дискотеката.
Бројот на хоспитализирани кои по пожарот во дискотеката во Кочани надминува 160 заедно со примените во приватните болници, 70 се транспортирани во странство – ова се информациите од Фондот за здравство.
Трае обдукцијата на настраданите во пожарот во кочанската дискотека. Александар Станков, директор на Институтот за судска медицина и криминалистика, засега не открива врз колку тела е завршена обдукцијата, но вели дека се работи со планираното темпо.
Петмина осомничени за пожарот во Кочани се спроведени во истражниот затвор „Скопје“ во Шуто Оризари, а меѓу нив се и екс-министерот за економија Крешник Бектеши и поранешниот прв човек на пазарниот инспекторат – Горан Трајковски.
Тројцата повредени во болницата „Папаниколау“ и двајцата во Воената болница во Солун се во стабилна состојба, објави министерот за здравство, Таравари по посетата заедно со министерот за надворешни работи и надворешна трговија, Муцунски.
Сите повредени од трагичниот настан во Кочани кои се сместени во ГОБ „8 Септември“ се стабилни, но поради специфичноста на повредите нивната состојба може да се промени, изјави денеска директорот на оваа здравствена установа, д-р Синиша Стојановски.
Во врска со трагедијата во Кочани, Владата изразува најдлабоко сочувство до семејствата на загинатите и повредените. Ова се моменти на тага и солидарност, кога сите мора да покажеме одговорност и почит кон жртвите, велат од Владата.
Вкупно 89 пациенти од повредените во трагичниот настан во Кочани се лекуваат на клиниките во земјава, додека до утринава вкупно 76 пациенти се испратени на лекување во странство. Ноќеска се испратени во Хрватска двајца, во Атина тројца, во Виена двајца и во Словенија уште двајца пациенти.
