Меѓународниот монетарен фонд (ММФ) повторно ја зголеми својата прогноза за раст на глобалната економија во 2026-та година. Треба да порасне на 3,3 проценти годинава. Во октомври, беше предвиден раст од 3,1 процент.
ММФ очекува стабилен раст во 2027 година, со стапка од 3,2 проценти.
Премиерот Христијан Мицкоски, придружуван од висока владина делегација учествува на 56-от годишен состанок на Светскиот економски форум во Давос. Тој ќе оствари серија билатерални средби на кои ќе ги презентира поволностите за инвестирање во Македонија.
Откупот на тутунот од ланската реколта е при крај, иако може да се откупува до 28-ми февруари. Откупувачите од производителите откупија преку 25 илјади тони по 419 денари за килограм.
Лошото време негативно ќе се одрази врз пчеларство. Ниските утрински и дневните високи температури бараат дополнителна заштита на пчелните семејства тврдат од „Пчелин рај“ од Струмица. Од таму велат дека од година во година се намалуваат приносите токму заради климатските промени.
Јануари убав, празничен, со многу обичаи. Ама и со најмногу трошоци. Повеќе од 40.000 денари ги чинеше граѓаните да празнуваат. И без да користат аранжмани или гостувања. А, на месецот рано му е крајот.
Ветувањето дека автопатот Охрид-Кичево ќе биде изграден до крајот на годината останува. Но, сепак не можеме да ги предвидиме временските услови, бидејќи минатата есен беше многу врнежлива, поради што може да се одложи пуштањето во употреба на автопатот наместо во декември во март.
Утре во Давос почнува Светскиот економски форум. Во клучен момент за глобалната соработка, ќе собере близу 3.000 меѓусекторски лидери од над 130 земји.
Вклучувајќи близу 65 шефови на држави и влади и шест од лидерите на Г7.
Откупот на тутунот од ланската реколта е при крај иако законски може да се откупува до 28-ми февруари. Од производителите, откупувачите купија над 25 илјади тони по 419 денари за килограм.
Превозниците не треба да бидат жртви на неподготвеноста на институциите за системот за влез и излез во Шенген зоната, вели премиерот, по најавите дека камионџиите подготвуваат протест на граничните премини на 26 јануари.
Даночната култура во Штип расте од година во година. Во 2025 по основ на данок на имот во Општина Штип наплатени се 44 милиони денари, за 7 милиони повеќе од предминатата година.
