Во Собранието денеска седници треба да одржат Комисијата за одбрана и безбедност, Комисијата за финансирање и буџет и Законодавно-правната комисија.
Предлог-законот за средно полициско училиште по скратена постапка е единствена точка на дневен ред на Комисијата за одбрана и безбедност.
Денеска поради дефект на приклучна цевка од ф-1 мм на улицата „Охридска“ 50, прекинато водоснабдување ќе имаат корисниците од на дел од улица „Охридска“ и дел од улица „Петричка“, Општина Центар, известуваат од ЦУК.
Од денеска па во наредните две седмици, на патниот правец Гостивар – Тетово и обратно од патарина Тетово до патарина Гостивар, ќе се изведуваат градежни истражувачки работи, поради што сообраќајот ќе се одвива под изменет режим, информира АМСМ.
Кина првпат по 10 години со голема воена парада ја одбележува 80-годишнината од капитулацијата на Јапонија во Втората светска војна.
Пратениците денес се очекува да ја продолжат својата работа на 67-та собраниска седница, на чиј распоред на дискусија остануваат уште четири законски предлози кои не се разгледани.
Германската компанија „Лидл“ денеска во Реонскиот центар во општина Аеродром ќе постави камен-темелник на нов продажен објект. Станува збор за објект којшто ќе биде изграден на парцела што се наоѓа покрај булеварот „Видео Смилевски-Бато“ во близина на маркетите „Стокомак“ и „Кам“.
Министерот за култура и туризам Зоран Љутков, и стручна екипа од Националниот конзерваторски центар, денеска ќе престојува во работна посета на Велес.
ВМРО-ДПМНЕ денеска на состанок на Извршниот комитет треба да ги комплетира преостанатите имиња, кандидати за градоначалници за локалните избори. Финишираат и разговорите со коалицискиот партнер ЗНАМ за поддршка на нивните кандидати за градоначалник во Центар и во Куманово.
Украинскиот претседател предупреди за ново зголемување на руските сили на некои делови од фронтот и најави одговор. Зеленски го обвини Путин дека продолжува да раскажува приказни како да не е виновен за војната.
Времето денеска ќе биде променливо облачно, на повеќе места нестабилно со пороен дожд и грмежи, локално во форма на невреме со пообилен пороен дожд и засилен ветер.
