Премиерот Грувески во Мадрид, во рамките на конгресот на Европската народна партија, оствари средба со норвешката премиерка, Ерна Солберг.
Двете страни согласни – во билатералните односи меѓу земјите нема отворени прашања, се карактеризираат со пријателство, почитување и поддршка.
Над 18 илјади бегалци биле прифатени во последните три дена во транзитниот камп во Гевгелија, кој што денеска ќе го посети претседателот на државата Ѓорге Иванов.
Караванот „Купи куќа, купи стан“ вчера имаше презентација во Тетово во Домот на АРМ.
Сите балкански земји, со исклучок на Албанија и Косово се соочени со проблемот на нискиот фертилитет, односно со ниска репродукција на населението. Ако на тоа се додаде иселувањето поради економски или други причини во иднина земјите од регионот ќе имаат недостиг од работна сила.
Од ноември нема веќе хартиена регистрација на фирмите во трговскиот регистар.
Американските безбедносни агенции се сериозно загрижени дека меѓу бегалците од Сирија можеби ќе има и припадници на терористички групи.
На патниот правец Маврово-Дебар во близина на манастирот „Бигорски“ се одронила поголема карпа.
Сообраќајот е пренасочен преку бензинската станица на Макпетрол. Екипи на „Македонија пат“ се на терен.
Низ целата земја сообраќајот се одвива по влажни коловози.
Времето во земјава во текот на целиот ден ќе биде облачно со врнежи од дожд, што почнаа во раните утрински часови. Во претпладневните часови ќе се прошират низ целата земја и ќе бидат со умерен интензитет.
Со измените на Законот, се предлага видот на планирано производство да не биде критериум за избор на најповолен понудувач.
Проблемот што Атина го има со нашето уставно име била тема на сите средби што американскиот помошникот државен секретар Викторија Нуланд ги оствари со грчкиот државен врв.
